Qәdr gecәlәrinin әmәllәri qondarma vә saxtadırmı?

Әziz dostlar, imkan xaricindә olduğuna görә geniş yazmaq imkanım yoxdur. Amma qısaca bunu deyim. Qәdr gecәlәrindә keçirilәn mәşhur "Bikә ya Allah" mәrasimi barәdә bir çox müzakirәlәr getdi vә ortaya belә bir şübhә atıldı ki, guya bu әsassız bir şeydir vә şiә mәnbәlәrindә belә bir şey yoxdur. Hәqiqәtәn yoxdurmu? İndi bir neçә şeyә nәzәr salaq: 
1. Ramazan ayının üç gecәsi Quranı açıb, әllәrinin arasına qoyaraq Allahummә inni әs'әlukә bikitabikәl munzәl... әmәlini "Biharul-Әnvar" 98:146 da tapa bilәrsiz. İmam Sadiqdәn nәql olunub.
2. "Bikә ya Allah" ayinini İmam Sadiqdәn nәqlәn siz "Biharul-Әnvar" 98:146 da tapa bilәrsiz.
3. "Bikә ya Allah" ayinini bir az fәrqlә, İmam Musa Kazimdәn nәqlәn yenә dә "Biharul-Әnvar" 98:146 da tapa bilәrsiz.
4. "Qәdr" gecәsinin iki rәkәtli namazını (hәr rәkәtdә 7 dәfә "Qәdr" surәsilә oxumaq) peyğәmbәrdәn nәqlәn siz "Müstәdrәk", 7:445 dә tapa bilәrsiz.
5. Yüz dәfә "İstiğfar" demәyi "Biharul-Әnvar" 98:144 dә
6. İmam Әlinin qatillәrinә lәnәt demәyi dә hәmin ünvanda tapa bilәrsiz.
7. Ramazan ayının 21 vә ya 23 gecәlәrinin Qәdr gecәsi olması barәdә, İmam Sadiqdәn nәqlәn "Әt-Tәhzib" 3:58/200 ünvanında tapa bilәrsiz.
Qeyd:Bu siyahını daha da uzatmaq olar. Hәtta qüsl almağın da mәnbәsi var. Әzizlәr, bunlar әsassız deyil. Hәr biri nәyәsә istinad olur. Bu o demәk deyil ki, on dörd әsrlik tarixi olan bir әmәlin saxta olmasını indiki zamanda kimsә әlindә әsas olmadan iddia etsin. Ümidvaram ki, az da olsa yardımçı ola bildik.

Hazırladı: Fәrid Abdullah.